Egilearen artxiboa: diji

Musikariak Nafarroako ikastetxeetan

Nafarroako Gobernuko Hezkuntza Departamentuak egindako lehiaketa publikoa irabazi genuen Dijitalidadea s.l enpresakook iragan berri den udan. Programaren helburua ikasleei euskal musikaren tradizioaren ibilbidea ulertzeko tresnak emanez, kultur sormenerako eta hizkuntzarekiko identifikazioa sustatzea da eta bide batez, zuzeneko musikaz gozatzeko aukera eskaintzea.

Musikariak ikastetxeetan programaren lehen ekinaldi honetan, honako musikariek hartuko dute parte: Amorante, Eñaut Elorrieta, Gorka Urbizu, Iker Lauroba, Ines Osinaga, Inun, Jon Basaguren, Joseba B. Lenoir, Joseba Irazoki, Jurgi Ekiza, Keu Agirretxea, La Basu, Maria Rivero, Mikel Markez, Miren Narbaiza, Olatz Salvador, Pantxix Bidart, Pelax, Petti, Rafa Rueda, Tristtan Mourguy, Xabi San Sebastian eta Zuriñe Hidalgo

musikariak ikastetxeetan programa nafarroa bilaketarekin bat datozen irudiak

Joan den irailaren 21ean aurkeztu genuen Iruñean Maria Solana kontseilaria lagun

musikariak ikastetxeetan programa nafarroa bilaketarekin bat datozen irudiak

Prentsaurrekoaren berri hemen:

Euskalerria Irratia

Naiz

 

 

 

Berri Txarrak Infrasoinuak hedatzen

Hunkituta eta mila esker gutxi direla oharturik ari dira Berri Txarrak taldekoak Infrasoinuak disko berria aurkezten Euskal Herri osoko kazetari eta zaleen aurrean.

Zarata mediatikoaren azpiko ahairea entzuteko gosez dagoen lagun asko dagoela ohartzen ari gara egunotan.

Prentsaurrekoaren egunean Bilboko Kafe Antzokian

Donostiako FNACen kanpoaldean. Barruan denentzako lekurik ez zegoela ikusi eta atoan hartu zuen Gorka Urbizuk gitarra kanpoan geratu zirenei Katedral bat eskeintzeko. Zaleak dira lehen lehenik, gero gerokoak.

IMG_7181 IMG_7195 IMG_7199 IMG_7179 IMG_7207

IMG_7212

 

 

 

Berri Txarrak. Infrasoinuak aurkezteko komunikazio bira

Azaroaren 24an aurkeztu genuen Bilboko Kafe Antzokian Berri Txarraken Infrasoinuak disko berria. Eskerrik asko hurreratu zineten eta kulturgintzan ezinbesteko bidelagun zaituztegun kazetari eta zaleei. Elkarrekin gara.

IMG_7144

IMG_7137 IMG_7132

Azaroaren 30a bitartean Donostian, Iruñean, Baionan eta Gasteizen ere izanen gara kazetariekin solasean egunean zehar, zaleekin batera iluntzeetan.

berri_txarrak_iruñea_gonbidapena Baiona_Berri_txarrak_A3

Berri_txarrak_gasteiz_gonbidapena

 

 

Berri Txarraken INFRASOINUAK disko berria bihar aurkeztuko dugu

Bihar, azaroak 24 dituela, goizeko 11:00etatik aurrera Bilboko Kafe Antzokian aurkeztuko dugu INFRASOINUAK Berri Txarraken disko berria.

Ateak zabalik izango ditugu hurreratzen zareten guztiontzat.

Disko berriari buruzko azalpenak ez eze, beste zeozer ere eskainiko digute musikariek

Berri Txarrak: “Infrasoinuak” disko berriaren aurkezpen prentsaurrekoa

Arratsaldean, egun osoa kulturgintzan ezinbesteko bidelagun ditugun kazetariekin eman ostean, ELKARek Poza kalean duen dendan, disko berriko kantak joko dituzte zuzenean, era akustikoan. Ostean, gura duenari, diskoa sinatuko diote.

Berri Txarrak.Infrasoinuak

Berri Txarrak.Infrasoinuak

 

Uhartearen Altxorra: 700etik gora neska eta mutilek gozatuko dute erakusketa

San Telmo Museoko eta Donostiako Liburutegi Nagusiko Haur saileko arduradunek jakinarazi digutenez, 700etik gora dira Uhartearen Altxorra erakusketaz gozatu eta ondoren Liburutegi Nagusiko Haur sailera joan diren Donostialdeko neska-mutilak.

uhartearen DSC07565 DSC07562

Uhartearen Altxorra erakusketa LITERAKTUM jaialdian

Elena Oregi Donostiako Liburutegi Nagusiko Haur Saileko arduradun eta Uhartearen Altxorra San Telmon erakusgai egon dadin horrenbeste lan egin duenak, aurtengo LITERAKTUM jaialdiak haur eta gazte literaturari eskainiko dizkion ekimenak aletzen ditu ondorengo bideoan.

Biziki garrantzitsua deritzogu literaturari eskainitako topaketetan haur eta gazteei zuzendutako literaturak lekua izateari.

Hiri Kristalezkoa aurkezten hasi gara: Bilbo, Donostia, Gasteiz, Baiona

Azaroaren 9an aurkeztu genuen prentsaurrean, Bilboko Kafe Antzokian, Rafa Ruedaren Hiri Kristalezkoa.

Hasteko eta bat, eskerrak eman gura dizkiegu bertaratu ziren kazetari guztiei. Aspalditik ari gara nabarmentzen euren lanari esker lortzen dugula euskal kulturgintza hedatzea, euren lanagatik ez balitz gurea ikustezina litzatekeela. Guk euskal kulturgintza ekosistemaren ezinbesteko eragiletzat ditugu, ez gure zerbitzurako menpekotzat.

Salbuespenak salbu, euskal komunikabide eta kazetariak behar baino askoz baldintza eskasagoetan ari dira lanean. Gure komunikabideek ez dute nahikoa baldintza ez humano ez ekonomikorik guk sortzen dugun kultur eskaintzari behar bezala erantzuteko. Eta gainontzeko kultur eragileok horren jakitun egon beharko genukeela uste dugu batzuk.

Komunikabide batek gure sorkuntza lanaren berri ez duelako jaso amorratzen garenean, pentsa dezagun zein baldintzatan ari diren kazetariak, zein den komunikabidea, zein baliabide dituen.

Guri dagokigunean, zintzo eskertzen diegu dagiten lana.

Bizkaia Irratiako Rosi Oleagarekin

Alaitz Alkorta eta lan-taldearekin egon ginen prentsaurrekoaren aurretik, albistegietarako

ETB1eko Ahoz ahon izan ginen , Ilaski Serranogaz.

GARArako Pablo Cabezak elkarrizketatu zuen.

Ane Zabalak Bilbo Hirian.

Iñigo Astizek prentsaurrekoaren iruzkina egin zuen Berriarako.

Julen Azpitartek Nontzeberri agerkari digitalean.

Oinatz eta Rafa Info7n aritu ziren luze berbetan

IMG_7052 IMG_7057 IMG_7062 IMG_7070 IMG_7075 IMG_7080