Etiketaren artxiboa: Meatzaleak

Meatzaleak: Artea identitatearen irudi

Artea identitatearen irudi berbagai, Haizea Barcenilla izango dugu berbalagun Meatzaleaken maiatzeko hitzorduan.

Honako galdera hausnartzeko bilduko gara, ekainaren 14an, 19:00etatik aurrera, Bilboko AZn:

Zein funtzio betetzen du arteak egun euskal gizartearentzat sinboloak sortzeko orduan?

Eta hausnarrerako bazkatzat, Belakoren bideo hau proposatu digu

Meatzaleak: Arkitektura, eraldaketarako? Atzoko saioa osorik

Hona hemen, atzoko saiora hurreratzerik izan ez zenutenontzako, arkitektura eraldatzailea hausnartu gura duzuenontzeko, oso osorik ikusentzuteko aukera

Meatzaleak: Izan daiteke arkitektura eraldatzailea? Leire Milikua eta Ander Gortazar

Meatzaleaken maiatzeko hitzorduan Leire Milikua eta Ander Gortazar izango ditugu berbalagun.

Berbagaia, zinez interesgarria:

Arkitektura fisikoa da, espaziala; eraikitzen denak (eta ez denak), erabilitako teknikek, prozesuek, teknologiek eta abar, ikusi eta ukitu ditzakegun emaitzak sortzen dituzte. Hala ere, jakina da zentzumenekin hauteman daitekeen horretatik harago, bestelako ondorioak ere eragiten dituela. Aldaketak sortzeko gaitasuna du, bai, baina eraldaketa? Izan al daiteke arkitektura eraldatzaile? Gai horren bueltan ibiliko gara, hango eta hemengo adibideak gureganatuz, erantzun baino galdera gehiagorekin.

Leire Milikua eta Ander Gortazar arkitektoak dira; ikaskideak, lagunak eta Aldiri. Arkitektura eta abaraldizkariko zuzendariak.

Leire Milikua Larramendi (Abadiño, 1985). Lurraldearen, tokiko garapenaren eta herritarren parte hartzearen inguruan ardazten da bere lana; agroekologia gaietan da espezialista. Horrez gain, EAEko landa-eremuaren inguruko liburu baten ama harroa.

Ander Gortazar Balerdi (Donostia, 1985) hirigintza eta mugikortasun gaietan aditua-aritua da, eta diseinu parametrikoa du ogibide. Dibulgazioan ere ibilia da. Egun oin erdia du Euskal Herrian; oin eta erdi, aldiz, Poloniako Varsovian.

19:00etan hasiko gara, Bilboko AZn

Gogoratu sarrerak doakoak izan arren, AZko bertako infopuntuan eskuratu behar dituzuela aurrez zein egunean bertan.

Meatzaleak: Hiri hori da hiri hau. Lutxo Egia eta Inun

Meatzaleak egitarauaren martxoko laugarren ekinaldian, Lutxo Egia idazleak eta Inun musikariak HIRI HORI DA HIRI HAU eskainiko digute .

Martxoaren 16an

19:30etatik aurrera

Bilboko AZko ( Alondegia) CAC2 aretoan

Martxoko Meatzaleaken hiru ekinaldiak LORALDIAgaz batera antolatu ditugu.

Gogoratu doakoa bada ere, sarrerak aurrez eskuratu behar direla AZko infopuntuan

Meatzaleak: Bigarren ekinaldiaren bideoa

Hona hemen atzoko solasaldiaren grabazioa

Leire Palacios gidari zela, ditugun komunikabideez, nahi ditugunez eta behar ditugunez aritu ziren Nagore Uriarte, eta Errota Digitalako Gorka Salces, Koldo Bizkarguenaga eta Xabier Landabidea.