Hemen duzue atzoko solasaldiaren bideoa osorik.
Sano aberasgarria izan zen bai Haizea Barcenillari bai entzuleei ikasitakoa.
Erantzun sakonetan murgiltzeko galderak luzatu zizkigun Haizeak, beste gogoetagune batzuetan segida merezi dutenak. Berbarako, Zein funtzio betetzen du arteak identitate komun bati ( euskaldunoi, esaterako) erantzuteko orduan?
Eskerrik asko Haizeari, bertaratu zineten guztioi eta AZko langileei.
Okerrik ezean, irailean itzuliko gara
Artea identitatearen irudi berbagai, Haizea Barcenilla izango dugu berbalagun Meatzaleaken maiatzeko hitzorduan.
Honako galdera hausnartzeko bilduko gara, ekainaren 14an, 19:00etatik aurrera, Bilboko AZn:
Eta hausnarrerako bazkatzat, Belakoren bideo hau proposatu digu
Hona hemen, atzoko saiora hurreratzerik izan ez zenutenontzako, arkitektura eraldatzailea hausnartu gura duzuenontzeko, oso osorik ikusentzuteko aukera
Meatzaleaken maiatzeko hitzorduan Leire Milikua eta Ander Gortazar izango ditugu berbalagun.
Berbagaia, zinez interesgarria:
Arkitektura fisikoa da, espaziala; eraikitzen denak (eta ez denak), erabilitako teknikek, prozesuek, teknologiek eta abar, ikusi eta ukitu ditzakegun emaitzak sortzen dituzte. Hala ere, jakina da zentzumenekin hauteman daitekeen horretatik harago, bestelako ondorioak ere eragiten dituela. Aldaketak sortzeko gaitasuna du, bai, baina eraldaketa? Izan al daiteke arkitektura eraldatzaile? Gai horren bueltan ibiliko gara, hango eta hemengo adibideak gureganatuz, erantzun baino galdera gehiagorekin.
Ander Gortazar Balerdi (Donostia, 1985) hirigintza eta mugikortasun gaietan aditua-aritua da, eta diseinu parametrikoa du ogibide. Dibulgazioan ere ibilia da. Egun oin erdia du Euskal Herrian; oin eta erdi, aldiz, Poloniako Varsovian.
19:00etan hasiko gara, Bilboko AZn
Gogoratu sarrerak doakoak izan arren, AZko bertako infopuntuan eskuratu behar dituzuela aurrez zein egunean bertan.
Hiri Hura Da Hiri Hau eskainiko dute gaur Lutxo Egia idazleak eta Inun musikariak Meatzaleak egitarauaren laugarren ekinaldia. Leire Palacios Meatzaleak egitarauko arduradunak aurkeztuko ditu.
Loraldia festibalagaz batera antolatu dugun gaurko saioa 19:30ean hasiko da Bilboko AZko CAC2 aretoan.
Bilboz arituko dira, hiriaren bilakaeraz eta bilakaera horrek bizi dituen pertsonen identitatean utzi duen arrastoaz.
Gogoan dugu nolakoa zen Bilbo, berbarako, 70eko hamarkadan?
Eta 80koan?
Errotik, gotzon barandiaran. Susa, 2010
Eta 90ko hamarkadan?
Zaharra zara, Bilbo, Jon Maia-Gari. Eguzki berritan zaude. Elkar, 1997
eta zelangoa da XXI. mendeko Bilbo?
Auzoak, Urtzi Urrutikoetxea. Susa, 2005
Zubigilea, Lutxo Egia. Susa, 2007Lo zaudela zabaldu dizkizut begiak, Mikel Etxaburu. Erein 2016
Beti izango dugu, Bilbao, Fermin Muguruza. In-komunikazioa, Metak 2002
Meatzaleak egitarauaren martxoko laugarren ekinaldian, Lutxo Egia idazleak eta Inun musikariak HIRI HORI DA HIRI HAU eskainiko digute .
Martxoaren 16an
19:30etatik aurrera
Bilboko AZko ( Alondegia) CAC2 aretoan
Martxoko Meatzaleaken hiru ekinaldiak LORALDIAgaz batera antolatu ditugu.
Gogoratu doakoa bada ere, sarrerak aurrez eskuratu behar direla AZko infopuntuan
Mamitsua, zintzoa, sakona atzo Onintza Enbeitak eta Ander Lipusek, Leire Palacios akuilari zutela, eskaini zigutena. Urteetako esperientzia zein gogoetekin, diskurtso sendoa ondu dute. Ordu eta erdian 100dik gora lagun ezin adiago izan gintuzten, gozatsu.
Euskal sortzaileok zeresana dugu eta ez edozelangoa,barren!
Hemen duzue atzokoa osorik ikusentzungai
Dakikezuenez, martxoko Meatzaleak LORALDIA festibalarekin batera antolatu ditugu. Atzokoaz gain, martxoaren 16an Lutxo Egiaren eta Inunen Hiri hori da hiri hau performancea eta 30ean Iratxe Fresnedaren Irrintziaren oihartzunak dokumentalaren aurkezpena izango ditugu
Hona hemen atzoko solasaldiaren grabazioa
Leire Palacios gidari zela, ditugun komunikabideez, nahi ditugunez eta behar ditugunez aritu ziren Nagore Uriarte, eta Errota Digitalako Gorka Salces, Koldo Bizkarguenaga eta Xabier Landabidea.
Hona hemen ekainera bitartean MEATZALEAK, ilunpetakoak argitara egitaraua saioz saio
Atzo hasi genuen MEATZALEAK ilunpetik argitara egitaraua.
Argazkia:Monica del Valle / Argazki press