Gaur goizeko 11:00etan Bilboko Azkuna Zentroko Bastidan aretoan, zeinetan burutuko ditugun ekitaldi guztiak, MEATZALEAK ilunpetakoak argitara egitaraua aurkeztu dugu.

Meatzaleak egitaraua, ilunpetakoak argitara ekartzeko ahalegina da, sakonean daudenak eguzkiratzeko proposamena.

Meategi edo mehatzeetako lanetik gehien nabarmentzena dena emaitza delarik, guri hori nabarmentzea ere interesekoa iruditzen bazaigu ere, abiapuntuari eta sormen prozesuari jarri gura diogu arreta.

Bilbo, Euskal Herria eta mundua kontatu nahi ditugu kultur adierazpide askotariko sortzaileen jakintza eta iritzien bidez.

Musika, hedabideak, gorputza eskenatokian, kultura, identitatea eta hiria, arkitektura, arte plastikoak, bertsolaritza hartuko ditugu berbagai, hilean behin, asteazkeazkenez, Fermin Muguruza, Nagore Uriarte eta Errota digitala, Lutxo Egia eta Inun, Onintza Enbeita eta Ander Lipus, Haizea Barcenilla , Ander Gortazar eta Leire Milikua berbalagun ditugula.

Hitzaldiak, mahai-inguru didaktikoak, elkarrizketak eta zuzeneko emanaldiak tartekatuko ditugu, berbagai bakoitzari ahalik eta etekin handiena ateratzeko formatoa eskainiko diogu, beti ere hizlarien eta ikusentzuleen arteko elkarreragina sustatzeko xedez.

Leire Palacios kazetaria izango da guztietan aurkezle eta gidari.

• Antolatzaileak: Dijitalidadea eta Azkuna Zentroa.
• Koordinazioa eta zuzendaritza artistikoa: Leire Palacios eta gotzon barandiaran.

Informazio gehiago eskuratzeko / Elkarrizketetarako:

• Leire Palacios: leirepala@gmail.com

• gotzon barandiaran: barandiaran@dijitalidadea.com / 656 796 209